Gjermania do të investojë në hapjen e një fabrike në Podujevë ku do të kenë mundësinë e punësimit rreth 800 persona të papunë në Kosovë.

Sipas ministrit të Punës, Arban Abrashit, puna që do të bëhet në këtë fabrikë është përpunimi ushqimorë, përkatësisht përpunimi i perimeve.

Kjo u bë e ditur në një konferencë për media të mbajur nga ministri Abrashi së bashku me ambasadoren e Gjermanisë në Kosovë, Angelika Viets si dhe një grup invesitorësh gjerman.

Gjithashtu, në këtë konferencë është bërë e ditur  se një grup i të punësuarve në këtë fabrikë do të kenë mundësinë që të trajnohen në Gjermani.

Ministri i Sigurimit i Bosnjës dhe Hercegovinës, Dragan Mektiq ka thënë se shërbimet e sigurisë të shtetit të tij dhe Interpolit kanë marr informacionin se urdhëraresti i lëshuar për Hashim Thaçin është anuluar.

Ministri boshnjak Mektiq këtë deklaratë e bëri pasi Thaçi vizitoi Sarajevën gjatë fundjavës që shkoi për ngjarjen “Summit100” të liderëve të biznesit, transmeton Koha.net.

Mektiq ka thënë gjithashtu se “nuk ka mundësi që Bosnja e Hercegovina të ofrojnë ndonjë lloj imuniteti për dikë me urdhërarrest ndërkombëtar”.

Sipas agjencisë së lajmeve “Fena”, ai u ka thënë gazetarëve në Sarajevë të hënë se në “nëse urdhërarresti do të ishte valid, Bosnja e Hercegovina do të vepronte”.

I pari i Universitetit të Prishtinës, Marjan Dema ka marrë vendim që t’ia “shkëpusë” kontratën e punës kryeministrit të vendit, Isa Mustafa, i cili punonte si profesor i rregullt në Fakultetin Ekonomik të UP-së.

Këtë vendim rektori e ka marrë për shkak se kryeministri i vendit më 15 maj i ka mbushur 65 vjet.

Kështu i kanë thënë Gazetës Blic burime brenda universitetit më të madh publik në vend.

Sipas ligjit në fuqi, të gjithë ata që arrijnë moshën 65 vjeçare, pensionohen në mënyrë automatike.

Pas shkrimeve për radikalizmin dhe terrorizmin në Kosovë, drejtori i Fondacionit “Rockefeller Brothers” për Ballkanin Përëndimor, Haki Abazi i ka shkruar bordit redaktues të Gazetës New York Times.

Në shkresën e tij, lidhur me këtë çështje, siç e quan komplekse dhe problematike, Abazi thotë se artikulli i gazetës rreth radikalizmit, ekstremizmit dhe terrrizmit në Kosovë nuk është tërësisht faktik dhe në shumë mënyra është çorientues.

“Do të ishte e dretë të thuhej se artikujt që pasqyrojnë nivelin e radikalizimit dhe ekstremizmit nuk janë të sakta, janë pikturë që nuk e pasqyrojnë realitetin dhe në afat të gjatë pengojnë orientimin dhe aspiratat e qytetarëve të kosovës në anëtarësim në Bashkimin Evropian”, shkruan Abazi.

Sipas tij, është befasi e madhe që këto seri të artiokujve të vijnë pikërisht kur BE-ja është duke e shqyrtuar vendimin përfundimtar për regjim të lirë të vizave për Kosovën, shkruan Gazeta Fjala.

“Kosovarët janë të vetmit njerëz në të gjithë kontinentin evropian që janë të ngujuar dhe nuk mund të udhëtojnë të lirë në Evropë. Është e drejtë të thuhet se ata janë në burg kolektiv për më shumë se tre dekada”, shkruan ai.

Abazi vlerëson se problem më i madh në Kosovë është keqpërdorimi i pushtetit nga disa udhëheqës politik dhe gjendja e rëndë socio-ekonomike në vend.

“Njerëzit të cilët mbajnë pushtetin janë mbi ligjin, ata janë të paprekshëm , ata përdorin edhe radikalizimin dhe ekstremizmin si shpëtim për paaftësinë e tyre, të vazhdojë të jenë faktor i stabilitetit”.

Linja e tyre e përgjegjshmërisë, sipas Abazit është me komunitetin ndërkombëtar për të ruajtur pushtetin dhe për ti shpëtuar ndëshkimit.

“Ata mund të arrestojë njerëz dhe flasin për terrorizmin që të duken të përgjegjshëm para përëndimit”, shkruan ndër të tjera ai./Gazeta Fjala/

Ministria e Arsimit Shkencës dhe Teknologjisë (MAShT) ka marrë vendim për anulimin e Testit të Arritshmërisë të mbajtur më 21 maj 2016 në komunat: Gjilan, Dragash dhe Hani i Elezit dhe përsëritjen e testit në këto komuna më datë 8 qershor 2016 nga ora 10:00.

“Vendimi është marrë pas rekomandimit të grupit të ekspertëve të Divizionit për Vlerësim, Standarde dhe Monitorim, i cili i ka vlerësuar jo reale dhe jo të besueshme rezultatet e testit në këto komuna, si dhe administrimit jo të mirë të këtij procesi”, shkruan në njoftimin e MASHT.

MASHT ka obliguar Drejtoritë Komunale për Arsim në këto komuna, që të njoftojnë me kohë nxënësit dhe të bëjnë përgatitjet e nevojshme për realizimin e standardeve të pranueshme të administrimit të këtij vlerësimi.

Kryeministri i Republikës së Kosovës, Isa Mustafa, po merr pjesë në shënimin e 40 vjetorit të themelimit të Partive Popullore Evropiane (EPP) në Luksemburg, ku janë të pranishëm liderë të shteteve dhe të partive kryesore të qendrës së djathtë, të vendeve të Bashkimit Evropian.

Të pranishmëve në ceremoninë zyrtare iu drejtuan Angela Merkel, Kancelare Federale e Gjermanisë, Jean-Claude Juncker, President i Komisionit Evropian, Donald Tusk, President i Këshillit Evropian, Joseph Daul, President i EPP-së dhe disa përfaqësues të tjerë të lartë të EPP-së, bën me dije zyra për informim e kryeministrisë.

Kryeministri Isa Mustafa ka pasur rastin të takohet me shumë drejtues të shteteve dhe të qeverive evropiane, përfaqësues të mekanizmave të BE-së, si dhe politikanë të nivelit më të lartë të partive të qendrës së djathtë nga shumë vende të Evropës.

Policia rajonale e Prishtincs me anë të një komunikate ka njoftuar për një operacion bastisje në Podujevë. Armë dhe municion janë konfiskuar në Podujevë.

Ky është njoftimi i plotë i Policisë rajonale të Prishtinës:

Pas një analize të hollësishme të situatës kriminale në rajon, duke u mbështetur në shqetësimet e fundit në lidhje me rastet e armëmbajtjes pa leje, strukturat operative rajonale bashkërisht me ato të hetuesisë kanë  identifikuar format, metodat dhe mënyrat e zhvillimit të  këtyre aktiviteteve kriminale dhe kanë marrë masat e duhura operative e hetimore për parandalimin,  zbulimin dhe goditjen e të gjitha formave të këtyre veprave.  Një kontribut të veçantë në këto operacione kanë dhënë edhe qytetarët të cilët kanë bashkëpunuar ngushtë me njësitet policore.

Operacioni i fundit i  bastisjes është zhvilluar me datën 29.05.2016, nga njësitet policore të stacionit të Podujevës në rrugën “Llapi” në Podujevë,  ku policia ka gjetur dhe konfiskuar: 

• një pushkë  të gjuetisë
• një pistoletë   e tipit Ekol
• një pistoletë   e tipit TT
• një granatë dore
• tre karikatorë  si dhe
• 115 fishek  të llojeve dhe kalibrave të ndryshëm.

Pas bastisjes, në stacionin policor të Podujevës është iniciuar rast për mbajtje në pronësi, kontroll, posedim i pa autorizuar i armës, i cili është duke u trajtuar nga ana e hetuesve, sipas autorizimeve  policore gjegjësisht, rekomandimeve nga  Prokuroria përkatëse. Për këtë vepër është arrestuar një person, të cilit i është shqiptuar masa e ndalimit për 48 orë.

Në përpjekje për të ndaluar përhapjen e kancerit, po mendohet shtrenjtimi i duhanit.

Sipas raportit të “Taskforcës së Pavarur Kundër Kancerit”, çmimet për një pako duhan, që zakonisht kushtojnë rreth 12 euro në tregjet Evropiane, deri në vitin 2020 do të ngrihet dukshëm.

Duke u koncentruar në parandalim, me anë të këtij projekti, ekspertët po mendojnë se do të shpëtojnë nga tridhjetëmijë jetë në vit.

Sipas hulumtuesve, shtrenjtimi i duhanit do t’i largoi përdoruesit e rinj, që nuk kanë të ardhura të rregullta.

Përpos kësaj, mendohet se pakohet e shtrenjta, që do të fillojnë më çmime mbi 20 euro, do të prekin edhe xhepat e përdoruesve, të cilët do të konsiderojnë lënien e shprehisë së tymosjes.

Kuvendi i Kosovës ka shpenzuar 85 mijë e 940 euro për ta mirëmbajtur objektin e saj. Krejt kjo për një periudhë të shkurtër prej vetëm 6 muajsh, shkruan Gazeta Fjala.

Kuvendi negocioi me kompaninë “Uni Project” nga Prishtina, të cilës ia besoi këtë punë. Bazuar në njoftimin për dhënie të kontratës që është publikuar në Komisionin Rregullativ të Prokurimit Publik, kriter i dhënies së saj ishte çmimi me i ulët.

Kontrata mes kuvendit dhe kompanisë fituese është paraparë që të nënshkruhet me datën 1 qershor. /Gazeta Fjala

Shtëpia e Bardhë në Washington është mbyllur para pak minutash, ndërsa ende nuk dihen arsyet.

Mbyllja ka ndodhur pak minuta pasi në objekt ka hyrë presidenti amerikan, Barack Obama.

Reuters raporton shkurtimisht se arsyeja e mbylljes së Shtëpisë së Bardhë ka të bëjë me çështje të sigurisë, pa përmendur se cilat janë ato.

Shërbimi Sekret Amerikan thuhet se është duke hetuar një kërcënim të mundshëm në Fushën Veriore.

Këshilli rinor Evropian i Republikës së Kosovës, nesër nga ora 11 do të mbajnë konventën e parë të të rinjve në Kosovë, në të cilën synohen të miratohen tri rezoluta për rini drejtuar Kuvendit dhe Qeverisë të Republikës së Kosovës.

Konventa “Evropianet e rinj” e cila do të mbahet në qytetin e Prishtinës, do të marrin pjesë 1,800 të rinj për tri ditë sa do të zgjasin punimet e kësaj konvente, raporton Llapi.info.

Alban Durmishi, Sekretar Gjeneral i Këshillit Rinorë Evropian dhe Kryetar i Asamblesë Rinore në qytetin e Podujevës, i cili do të marrë pjese në këtë konventë ka thënë se “Me miratimin e tri rezolutave në këtë konventë, te rinjve në Kosovë do tu mundësohet përkrahje në anëtarësim në organizata ndërkombëtare, shkuarja ne misione dhe nisma ndërkombëtare me përkrahje të Qeveris se Kosovës si dhe tu rregullohet një infrastrukturë e mirë e të jetuarit”./Llapi.info

“Perftoran” u paraqit në treg disa vjet më parë, edhe pse shkencëtarët sovjetikë e zbuluan qysh në vitet 1970, transmeton koha.net.

“Gjaku i kaltër”, siç e quajnë ekspertët “perftoranin”, përbëhet nga fluorokarboni, i cili mund ta kryejë funksionon e shkëmbimit të gazeve, sikurse gjaku natyral.

Ky ilaç i vlefshëm e ka një histori të pazakontë.
Për arsye të panjohura, ai ishte i ndaluar në BRSS, ndërsa krijuesi i tij pas një përndjekjeje në media dhe bastisjes në shtëpi, sipas versionit zyrtar, “bëri vetëvrasje”.

“Perftoran” është më efikas se qesja tradicionale për transfuzion me eritrocitet e koncentruara, sepse nuk i bart sëmundjet dhe i përshtatet secilit grup të gjakut.

Ky ilaç mund të ngrihet dhe shkrihet pesë herë, ndërsa afati i përdorimit është dy vjet, ndërsa eritrocitet e koncentruara mund të përdoren vetëm një muaj e gjysmë.

“Perftoran” është i shkëlqyeshëm për ruajtjen e funksioneve jetike të organeve dhe indeve. Më mirë se ilaçet e tjera, ai i transporton nëpër organizëm gazrat dhe substancat e tjera, thonë ekspertët.
Megjithatë, disavantazhi i këtij ilaçi është aplikimi i shtrenjtë në situata të vështira, kur vjen deri tek humbja e sasisë së madhe të gjakut dhe nevojitet transfuzioni urgjent.

Kjo është arsyeja se pse në komunitetin mjekësor rus “perftorani” nuk është aq i popullarizuar sa gjaku i dhuruesve vullnetarë.
Vetëm transfuzioni i parë për një pacient kushton rreth 50,000 rubla (më shumë se 1200 dollarë).

Kjo do të thotë se një spital rus do të duhej të shpenzonte dhjetëra miliona rubla (mbi 240,000 dollarë) në muaj, duke e marrë parasysh numrin mesatar të transfuzioneve.

Kampionati Evropian, Franca 2016 mund të jetë cak i sulmeve terroriste.

Për këtë qeveria amerikane ka paralajmëruar qytetarët e këtij vendi që të mos udhëtojnë drejt Francës për të ndjekur këtë ngjarje.

Independent shkruan që sipas tyre, stadiumet të cilat e mirëpresin Euro 2016, do të jenë të mbushura me tifozë, e që kjo mund të shërbejë si cak i terroristëve.

Shqetësimi i mundshëm për sulme terroriste që mund të ndodhin në Francë, janë lëshuar nga Departamenti i Shtetit këtë të martë.

Aty thuhet se sulmet e mundshme mund të ndodhin edhe jashtë stadiumeve, si në hapësira ku njerëzit mund të organizohen për të përcjell ndeshjet në monitor, parqe dhe të tjera, që mund të jenë vende me rrezik

Galaxy Note 6, është pajisja e radhës që pritet të bëjë bujë nga Samsungu.

Pajisja, që pritet të lansohet gjatë verës, spekulohet se do të ketë disa versione dhe një nga to, me ekran të lakuar është vërejtur në uebfaqen “Zauba”.

Modeli është “kamufluar” nën kodin SM-N935G.

Më parë ishte raportuar se Note 6 do të ketë 6GB RAM, kamerë 12MP dhe ekran 5.8-inç, por gjithçka pritet të konfirmohet ditëve në vijim.

Ushtrimet sportive në natyrë kanë një rëndësi të veccantë për shëndetin e organizmi tonë ato kanë një sërë përfitimesh shëndetsore. Disa mënyra shumë të mira për t’u ndier në formë mendërisht dhe fizikisht janë të ushtrohesh në natyrë, të bësh joga apo të vraposh. Në kohën e tanishme, shumica e njerëzve e konsiderojnë domosdoshmëri aktivitetin fizik dhe sapo mbarojnë punën, e cila shpesh sjell lodhje dhe stres, i drejtohen palestrës për të shkarkuar energjitë negative, për të mbajtur formën fizike dhe për të ngritur humorin.

Njerëzit sportivë shpesh janë në dilemë, nëse duhet që të ushtrohen jashtë në natyrë, apo brenda katër mureve të palestrës, të rrethuar nga komoditetet, makinat dhe ekranet. Më poshtë janë gjashtë arsye se përse është zgjedhja e duhur që të nisësh të stërvitesh jashtë.

Stërvitja në natyrë të shton pozitivitetin
Një studim i 2012-s zbuloi se të kalosh kohë në natyrë i bënte njerëzit 50% më të lumtur sesa të kalonin kohë në palestër. Edhe kërkimet e mëparshme e kanë lidhur stërvitjen jashtë me një ulje të tensionit, konfuzionit, inatit dhe depresionit, kur u krahasuan me aktivitetin brenda katër mureve. Dhe kjo nuk ka pse të jetë një shëtitje e gjatë në park. Një studim i 2010-s gjeti se edhe vetëm 5 minuta stërvitje në një hapësirë të gjelbër mund të përmirësojë humorin dhe vetëvlerësimin.

Përmirëson vëmendjen dhe fokusin
Një studim i shkurtër nga Universiteti i Illinois-it zbuloi se fëmijët me çrregullime mendore ADHD ishin të aftë që të përqendroheshin më mirë pas një shëtitjeje prej 20 minutash në park, krahasuar me një shëtitje në rrugët e qytetit, apo të lagjes.

“Ajo çfarë na tregon ky studim i veçantë është se mjedisi ka rëndësi”, tha Frances E. Kuo, një prej autoreve të studimit. “Ne nuk e dimë se çfarë është ajo që ndikon në park saktësisht, nëse është gjelbërimi apo mungesa e ndërtimeve, që ndikon në përmirësimin e vëmendjes së personave”.

Do t’ju ndihmojë ju që ta doni stërvitjen
Të bësh stërvitje, sado pak, ka rëndësi të madhe për njeriun. Shumica prej nesh kanë mundësi që të ushtrohen më shumë. Udhërrëfyesi i Aktivitetit Fizik për amerikanët rekomandon që një i rritur duhet të stërvitet rreth 2 orë e 30 minuta në javë me ushtrime kardio me intensitet të moderuar. Për më tepër që duhet të kryejë dy ose më shumë sesione për të forcuar trupin. Ndërmjet orëve të pafund të punës dhe kërkesave që familja ka, është shumë e thjeshtë që t’i bësh bisht një seance stërvitore. Gjithsesi, një vëzhgim i vitit 2011 gjeti se të stërvitesh në natyrë ta riforcon dëshirën për të dalë e për t’u ushtruar prapë. Madje kjo dëshirë është më e fortë sesa tek ata persona të cilët zgjedhin palestrën për të punuar për trupin e tyre.

Pesha juaj do jetë e qëndrueshme
Ajri i freskët, drita e diellit, pamja, hapësira. Ka shumë arsye se përse të qëndruarit jashtë ta shton dëshirën për të kryer më shumë aktivitet fizik krahasuar me të qenët brenda një hapësirë të madhe të rrethuar nga vegla dhe mure. E gjithë kjo lëvizje e madhe sjell rezultate të prekshme. Një studim i vitit 2008 zbuloise përqindjet e fëmijëve me peshë mbi normalen të cilët kalonin më shumë kohë jashtë ishte 27 deri në 41 më ulët krahasuar me fëmijët që kalonin më shumë kohë brenda katër mureve.

Do prodhoni më shumë energji
Është e sigurt që ushtrimet do t’ju rinojnë kur ju ta ndieni veten të përfshirë nga përtacia, por ajri i freskët mund ta shtojë edhe më shumë këtë efekt. Një studim i vitit 2009 nga Universiteti i Rochester-it zbuloi se vetëm 20 minuta jashtë mund të të gjallërojnë, po aq sa edhe një filxhan kafeje. “Shpeshherë ne lumturohemi kur marrim në dorë një filxhan kafeje, por këtu na sugjerohet një mënyrë më e mirë që të mbushemi plot energji. Ajo është që të krijosh lidhje me natyrën”, tha autori i studimit Richard M. Ryan, profesor i psikologjisë, transmeton Shqip.

Do të përmirësohet niveli i vitaminës D
Të bësh ushtrimet jashtë është një mënyrë shumë e mirë që të thithësh vitaminë D shtesë. Një studim i 2011-s që zbuloi se ushtrimet e vrullshme prodhojnë nivele më të larta të vitaminës, hamendësoi se kryerja e tyre në natyrë mund të jetë arsyeja e kësaj. Kjo mund të jetë veçanërisht e dobishme për njerëzit të cilët duan që të humbin disa kilogramë sipas “Everyday Health”, duke qenë se njerëzit mbipeshë kanë dy herë më shumë të ngjarë që të mos marrin mjaftueshëm vitaminë D. Vetëm duhet të bëjnë kujdes që të mos përdorin pak krem mbrojtës kundër diellit./Albeu

Shkruan: Jehona IBISHI & Mimozë RESTELICA

Podujeva, Prizreni, Hani i Elezit dhe Skenderaji janë komunat kryetarët e të cilave nuk janë ndërruar tash e tri mandate. Për Agim Veliun, ky është mandati i tretë që vazhdon të jetë kryetar i Komunës së Podujevës. Madje, këtë post në këto tri mandate ai e ka fituar çdo herë në raudin e parë të votimit, për pa e „rrezikuar“ fitoren me balotazh me një kundërkandidat apo çfarëdo qoftë tjetër. Në fushatën elektorale të zgjedhjeve lokale në vitin 2013 Agim Veliu kishte bërë 15 premtime në fusha të ndryshme, premtime këto të cilat i’a siguruan edhe mandatin e tretë si kryetar i llapjanëve. Se sa ka arritur të i realizoi premtimet e tij deri tani, Instituti GAP ka bërë një analizë të premtimeve të Agim Veliut, për të cilat ka caktuar përqindje për realizueshmërinë e tyre.

Sipas Institutit GAP, deri tani Veliu ka përmbushur 33% të premtimeve. Nga 15 premtime sipas GAP-it, pesë janë realizuar 100%, dy nuk janë nisur fare të realizohen, ndërsa tetë të tjera janë në gjysmë të realizimit. Në fushën e arsimit, Agim Veliu kishte premtuar se do të përkrahen në mënyrë të veçantë studentët dhe nxënësit me rezultat të mirë. Sipas GAP-it, ky premtim është realizuar 100%. Mirëpo, në bursat komunale që ka ndarë komuna jo të gjithë përfituesit kanë pasur rezultat të mirë. Përfituesit më të mëdhenjë të bursës komunale në Podujevë kanë qenë studentët dhe nxënësit që janë shfrytëzues të asistencës sociale, ata me nevoja të veçanta dhe ata që u mungojnë prindërit, ani pse nuk kanë pasur rezultate të mira në studime apo në shkollë të mesme. Se bursat janë ndarë për këto kategori të nxënësve dhe studentëve e pranon edhe Shefi i Drejtorisë së Arsimit në Podujevë, Xhevat Llugaliu. Në realizimin e këtij premtimi ka munguar edhe transparenca. Përfituesve të bursës komunale asnjëherë nuk u është publikuar nota mesatare apo pikët që kanë grumbulluar nga kriteret e shpalluara në konkurs. Deri vitin e kaluar listat e përfituesve të bursës komunale janë publikuar vetëm me emër dhe mbiemër të përfituesit. Këtë vitë, listat janë pasuruar edhe me emër të prindit dhe vendbanimit, por jo edhe me notë mesatare.

Premtimi për rregullimin e infrastrukturës në të gjitha vendbanimet e Podujevës sipas GAP-it është realizuar 90%, ndërsa në media është raportuar se në lagjen „Drenica“ në qytet banorët ende përballen me mungesën e rrjetit të kanalizimit. Drejtori i Shërbimeve Publike në Podujevë, Faik Muçiqi, pati thënë se ky problem pritet të zgjidhet në vitin 2016, por, sipas Flakron Gashit, këshilltar komunal nga radhët e PDK-së një gjë e tillë nuk është e paraparë në buxhetin e vitit 2016. Edhe banorët e fshatit Letanc kanë probleme me kanalizim. Muhamet Rexhepi banor i këtij fshati në KTV ka deklaruar se çdo ditë i duhet të kujdeset që pusetën që e ka përpara shtëpisë, ku derdhen ujërat e zeza, ta zbrazë me një pompë. Çështja e ujrave të zeza nuk është rregulluar as në lumin Llap. Një gjë e tillë ishte premtuar të rregullohet në dy vitet e para të qeverisjes. Por, edhe vet Veliu e kishte pranuar në emisionin „Jeta në Komunë“ se nuk ka arritur ta përmbush këtë premtim, duke akuzuar nivelin qendror për mospërkrahje.

„Do të ofrohen kushte infrastrukturore më të mira për nxënësit” është një premtim tjetër i Agim Veliut. Ky premtim sipas GAP-it është realizuar 32%. Në këtë përqindje të GAP-it ka hyrë rinovimi i shkollës fillore në fshatin Shajkovc, Katunishtë dhe rregullimi i oborrit të Shkollës së Mesme Ekonomike “Isa Boletini” në Podujevë. Sikur këto tri shkolla të përbënin gjithë infrastrukturën shkollore në Podujevë. Kemi Shkollën Fillore “Enver Maloku” në qytet, gjendja e së cilës është e jashtëzakonshme, pasi në këtë objekt nuk është bërë asnjë rinovim në dy vitet e fundit për shkak të pritjeve që 900 nxënësit e kësaj shkolle të kalojnë në objektin e Gjimnazit “Aleksandër Xhuvani”. Një gjë e tillë do të mund të ndodhte kur gjimnazistët të kalojnë në objektin e ri, objekt ky i cili ka filluar të ndërtohet në vitin 2009 e që ishte paraparë të ishte i gatshëm për vitin shkollor 2011/12. Kjo nuk ka ndodhur ende. Shkolla tjetër fillore “Luigj Gurakuqi” në fshatin Batllavë ka një vit që ka filluar të ndërtohet, por nuk dihet nëse do të funksionalizohet deri në shtator të këtij viti për shkak të procesit të ngadalshëm të punimeve. Se mungojnë kushtet e mira infrastrukturore në shkolla të Podujevës e tregojnë edhe tualetet e shkollave. Edhe pse nuk ka më shumë se gjashtë vite kur është ndërtuar objekti i Shkollës Fillore „Hamit Sejdiu“ në fshatin Kërpimeh, tualetet e kësaj shkolle janë në gjendje të mjerueshme.

Në mesin e 15 premtimeve të Agim Veliut, dy nuk kanë nisuar fare të realizohen. Fjala është për premtimin „Ndërtimi i një Zone Industriale për bizneset“ dhe „Ndërtimi i një qendre rekreative- sportive në Kërpimeh“. Kjo e fundit pritet së shpejti të nis realizimin, pasi Ministria e Kulturës tash së fundi ka ndarë 55 mijë euro për të investuar në ndërtimin e fushave sportive në Kërpimeh dhe mbulimin e fushës në fshatin Lupç i Poshtëm.

1% përqind është vlera që Instituti GAP i ka dhënë premtimit se do të forcohet roli i gruas në vendimarrje. Këtë përqindje ky institut e ka mbështetur me komentin se premtimi nuk ka nisur të realizohet. „Asnjë drejtori në komunë nuk udhëhiqet nga femrat“ thuhet në komentin e GAP-it. Sipas kësaj, GAP-i është dashur të jap vlerën 0% . Por, në fakt nuk është se asnjë drejtori nuk udhëhiqet nga femrat. Drejtoria e Inspeksionit që nga janari i vitit 2016 udhëhiqet nga Florie Abazi- Besholli, e cila është edhe drejtoresha e parë femër që nga paslufta në Komunën e Podujevës.

Analiza e Institutit GAP për realizimin e këtyre premtimeve nuk del të jetë edhe shumë e saktë. Vlerat e larta të përqindjeve që këta të fundit kanë dhënë për premtimet e Agim Veliut nuk përputhen me realizueshmërinë e premtimeve. Shumë nga këto premtime kanë mbetur në gjysmë të realizimit, derisa GAP-i ka vlerësuar me 100% realizueshmërinë e tyre. Këto përqindje GAP-i i ka mbështetur me disa komente për secilin premtim, komente të cilat shpesh nuk qëndrojnë. Pra, ka raste kur përqindjet e premtimeve nuk përputhen me komentet. Një rast i tillë u përmend më lartë tek premtimi se do të forcohet roli i gruas në vendimarrje. Premtimet e shumta të Agim Veliut nuk mungojnë. Janë edhe shumë premtime tjera që përmenden në Istitutin GAP, të cilat Veliu i kishte bërë në fushatën e zgjedhjeve lokale të vitit 2013, por, realizimi i këtyre premtimeve është i vogël.

Opinionet e autorëve nuk paraqesin domosdoshmërisht edhe opinionin e redaksisë së portalit “Llapi.info”.

Barcelona raportohet se ka hyrë në garë për të transferuar mesfushorin e Sevillas, Grzegorz Krychowiak.

Mësohet se 26-vjeçari është duke u kërkuar nga Manchester Unitedi dhe Arsenali për një kohë të gjatë, por sipas “Mundo Deportivos”, përfaqësuesit e lojtarit tani janë në bisedime me klubin katalonas.

Sipas raportimit, kryetrajneri Luis Enrique është në kërkim të një mesfushori defansiv si numri dy për Serigo Busquetsin.

Besohet se për polakun Sevilla kërkon 45 milionë euro.

Visar Ymeri, kryetari i Vetëvendosjes sot ka dalë në terren në fshatin Zajm për të vizituar plantacionin e mollëve “Apple@Honey”.

Këtë e ka bërë të ditur përmes rrjetit social Facebook, ku ka theksuar se “qytetarët e Kosovës janë punëtorë”.

Lexoni më poshtë postimin e plotë të Ymerit:

“Me aktivistët e Klinës dhe deputeten Shqipe Pantina vizituam plantacionin e mollëve “Apple@Honey”, të Mehmet Krasniqit në fshatin Zajm, punëtorinë për prodhimin e dyerve dhe dritareve, të Nezir Sejdiut në Grabanicë si dhe biznesin e Sylë Gashit në Gremnikë.

Alternativa e Lëvizjes për zhvillim ekonomik e përkrah prodhuesin vendor, e promovon dhe e mbron prodhimin vendor, që të ketë punësim vendor e që të rriten mirëqenia e dinjiteti si pasojë e punës.

Qytetarët e Kosovës janë punëtorë, por kanë nevojë për qeveri që ua mbron punën, jo që ua vjedh atë”, ka shkruar Ymeri në Facebook

Gazetari dhe bamirësi i madh gjerman Rupert Neudeck, ka vdekur sot (e martë) në moshën 77 vjeçare, njofton Klan Kosova.

Neudeck ka kontribuar shumë gjatë luftës së fundit në Kosovë në vitet 1999 dhe po ashtu ka ndihmuar me strehim dhe ushqime të zhvendosurit e luftës.

Themeluesi i Cap Anamur kishte siguruar kampe strehimi për refugjatë kosovarë në Maqedoni dhe Shqipëri.

Aktivitet i tij prej humanisti në Kosovë, kishte vazhduar edhe pas luftës. Neudeck bashkë me organizatën e tij edhe shumë shtëpi dhe shkolla shqipe.

Ai  kishte siguruar edhe për spitalet e Kosovës barnat e nevojës së parë dhe po ashtu ndërtimin e disa ambulantave.

Neudeck, para se të themelonte, organizatë e tij, punoi si gazetar në disa media gjermane. Megjithatë, i njohur ai u bë me Cap Anamur, me të cilën u doli në ndihmë njerëzve me nevojë dhe refugjatëve në vendet e ndryshme të botës.

Organizatën e parë që ai e themeloi ishte Komiteti Gjerman, “Një Anije për Vietnbam” në vitin 1982, ndërsa pasi doli nga ky komitet, ai themeloi shoqatën Cap Anamur, mjekët e urgjencës gjermane.

Cap Anamur ka ndihmuar viktimat e luftës civile edhe në Sudan, si dhe viktimat e talebanëve në Afganistan.

Neudeck u lind me 14 Maj të vitit 1939 në Danzig.

Ai studioi deri në vitin 1970, teologji, filozofi gjermane dhe sociologji në Bon, Münster dhe Salzburg.

Teza e tij e studimeve ishte “Etika politike tek Jean-Paul Sartre dhe Albert Camus”.

Menaxheri i ri i Manchester Unitedit, Jose Mourinho, ka insistuar se nuk do të merret me rivalitetin që ka me menaxherin e Manchester Cityt, Pep Guardiola.

Dy trajnerët gjatë kohës së tyre në La Liga kishin një rivalitet të frikshëm, me Guardiolan që drejtonte Barcelonën dhe Mourinhon që udhëhiqte Real Madridin.

Klubet nga Manchesteri gjithashtu kanë rivalitet, por Mourinho ka insistuar se nuk do të përqendrohet te trajneri i Cityt.

“[Rivaliteti jonë] nuk më lejon që të jem i pafajshëm’, ka thënë Mourinho gjatë një ligjërate për një universitet në Lisbonë. “Për dy vjet Pepi dhe unë ishim në një ligë ku kampioni do të ishte unë ose ai – Real Madridi ose Barcelona”.

“Në situata të tilla, betejat individuale kanë kuptim sepse kanë ndikim, por në Premier Ligë, nëse unë fokusohem në të dhe te Manchester City dhe ai te unë dhe Manchester Unitedi, atëherë dikush tjetër do ta fitojë ligën”.