Italia ka raportuar 1,458 raste të reja me koronavirus përbrenda 24-orëshit të fundit, ka bërë të ditur Ministria e Shëndetësisë së vendit të dielën.

Shteti evropian ka regjistruar edhe shtatë vdekje të reja lidhur me virusin korona, duke çuar kështu shifrën e përgjithshme të jetëve të humbura nga Covid-19 në 35,610, shkruan lajmi.net.

Në ndërkohë, numri total i të infektuarve me virus ka arritur në 287.753.

Në anën tjetër, 213,634 persona janë shëruar në Gadishull nga sëmundja që vjen nga familja e viruseve SARS-Cov2

The post Vazhdon numri i lartë i të infektuarve në Itali appeared first on Llapi.info.

Halim Saqi, pronar i një objekti të lëshuar me qira në Komunën e Obiliqit, ende nuk ka pranuar mjetet nga Qeveria e Kosovës, si subvencionim të qirasë, në bazë të Pakos Emergjente Fiskale.

Në muajin mars, pas raportimit të rasteve të para me koronavirus në Kosovë, për t’iu dalë në ndihmë bizneseve dhe kategorive tjera të shoqërisë të prekura nga masat kufizuese për parandalimin e pandemisë COVID-19, qeveria kishte miratuar Pakon Emergjente Fiskale në vlerë prej 179.6 milionë eurosh.

Një nga masat e kësaj pako, është edhe subvencionimi i qirasë deri në maksimumin e mundshëm prej 50 për qind për ndërmarrjet e vogla dhe të mesme për muajin mars dhe prill, që në përgjithësi arrin në vlerë prej 12 milionë euro.

Por, Halim Saqi, i cili objektin në Obiliq, ia ka lëshuar me qira një kompanie tregtare, tregon se gjysmën e shumës se qirasë nga Qeveria e Kosovës e ka marrë vetëm për muajin mars, kurse pjesën tjetër nga qiramarrësi. Ndërkaq, për muajin prill vazhdon të presë.

“Qeveria për një muaj është prapa me qira. Unë nuk e di pse nuk po dalin paratë në xhirollogari. Nuk kemi kërkuar sqarime sepse po presim”, tha Saqi për Radion Evropa e Lirë.

Në Administratën Tatimore të Kosovës për këtë masë kanë aplikuar 6,328 persona me 15,652 kërkesa për përfitues. Nga kjo shifër, 14,988 kërkesa janë aprovuar, ndërkaq 664 kërkesa janë refuzuar, thuhet në një përgjigje me shkrim nga zyra e informimit të ATK-së.

Por, në Ministrinë e Financave pohojnë se për masën e subvencionimit të qirasë deri më tani në llogaritë e personave juridikë dhe fizikë janë ndarë 5.8 milionë euro dhe që tashmë Thesari i Kosovës nuk ka asnjë listë për pagesë të kësaj mase.

Ndërsa, për pjesën tjetër janë duke u trajtuar rastet e ankesave nga komisioni përkatës, tha për Radion Evropa e Lirë, Muharrem Shahini, zëdhënës në Ministrinë e Financave.

“Nga Ministria e Ekonomisë dhe Ambientit janë duke u trajtuar rastet kur numrat e llogarive të përfituesve kanë qenë gabim ose llogari joaktive”, tha Shahini.

Në Ministrinë e Ekonomisë dhe Ambientit thonë se kanë pranuar aplikacione të individëve dhe bizneseve me gabime teknike, por që ende nuk ka filluar trajtimi i masës sa i përket subvencionimit të qirasë, për shkak se janë duke trajtuar masat tjera të Pakos Emergjente Fiskale.

Agim Thaçi, drejtor i financave në këtë ministri, tregon se tashmë kanë filluar të kontraktojë bizneset në bazë të të dhënave të aplikimit, në mënyrë që të përmirësohen gabimet teknike.

“Të gjitha ato biznese apo individë që kanë mbetur pa u paguar për shkak të gabimeve teknike në aplikim, do paguhen në bazë të Pakos Emergjente Fiskale, pas filtrimit të llogarive. Ne nuk kemi të drejtë t’i heqim nga listat”, tha Thaçi.

Përveç kompensimit të qirasë për 50 për qind, në bazë të Pakos Emergjente Fiskale janë mbështetur bizneset, pensionet, skemat sociale, komunat dhe është siguruar pagesë shtesë për punëtorët e administratës shtetërore.

Përveç Pakos Emergjente Fiskale, Qeveria e Kosovës ka miratuar edhe Pakon për Rimëkëmbjen Ekonomike, në vlerë prej 365 milionë eurosh. Por, projektligji për këtë pako nuk u votua në seancën e 14 gushtit të Kuvendit të Kosovës.

Në bazë të këtij projektligji synohet që përmes politikave fiskale dhe monetare, të ndihmohen bizneset, pas humbjeve të shkaktuara nga pandemia e koronavirusit./rel/

The post Gabimet në aplikim vonojnë subvencionimin e qirasë appeared first on Llapi.info.

Shoqata e Fermerëve të Kosovës (SHFK) ka dalë me një reagim për derdhjen e qumështit në lumenjë nga fermerët.

Ata kanë thënë se pajtohen me brengën dhe ndjejnë keqardhje që janë pjesë e kësaj ndotjeje.

“Duam të sqarojmë këtu që për shkak të importit të pakontrolluar të vajit të palmës sektori i qumështit ka 70.000 litra tepricë qumështi në ditë. Për shkak që ky qumësht nuk mund të shkojë tutje në përpunim, meqë kërkesa është ngopur me produkte te vajit të palmës, atëherë ne detyrohemi në asgjësimin sa më të shpejt të tij. Në këto raste nëse nuk veprohet shpejt gjithë kjo sasi e qumështit mund të shkaktojë katastrofë edhe më të rëndë mjedisore”

SHFKQ ka bërë kërkesë ndaj institucioneve vendore që të u krijohet një vend apo mundësia që të asgjësojnë qumështin dhe të mos krijojnë probleme mjedisore.

“Ne ju sigurojmë që kjo tepricë e qumështit nuk do të jetë problem pas hyrjes në fuqi (me 15 shtator) të vendimit për ndalimin e importit të vajit të palmës”

“Kërkojmë ndjesë për ndotjen e shkaktuar, por jemi mbi 5000 fermerë, me rreth 30 mijë të punësuar dhe mijëra tjerë të involvuar në pikat e grumbullimit dhe fabrikat e përpunimit të qumështit që jemi të prekur në palcën e ekzistencës nga shkaktimi i këtyre tepricave të qumështit”, thuhet në njoftim.

The post Shoqata e Fermerëve kërkon vend për të hedhur tepricat ditore të shkaktuara nga vaji i palmës appeared first on Llapi.info.

Një ngjarje mjaftë e rëndë ka ndodhur sot në një nga spitalet në Kosovë.

Në njërën prej dhomave me plot pacientë është lënë trupi i një personi të vdekur prej mbi 5 orësh.

Sipas një dëshmitari në vendin e ngjarjes askush nuk është marrë me këtë kufomë, transmeton Indeksonline.

“KOSOVA JONE E KALBUN MIQ!Qe 5 ore kufoma n’dhome me plote paciente te tjere aty, kerkush nuk meret me kete pune!Mos lypni viza miq, po kapni koferat lshojeni kete ven sa ma shpejte qe keni mundesi!”, ka shkruar ai në profilin e tij në Facebook.

The post Në njërën prej klinikave në Kosovë, trupi i pajetë lihet mbi 5 orë në dhomë me pacientët e tjerë appeared first on Llapi.info.

Anëtari i Lëvizjes Vetëvendosje, Driton Hyseni, ka dhënë një shembull të mirë, duke dhuruar falas pajisje shkollore për të gjithë ata që kanë nevojë.

Në një shkrim në rrjetin social “Facebook”, Hyseni ka porositur të gjithë që njohin ndonjë familje me kushte të vështira ekonomike dhe nuk mund t’i pajisin fëmijët me pajisje shkollore, ta kontaktojnë atë në rrjetin social, dhe ai do ua sjell pajisjet shkollore deri tek dera e shtëpisë.

Shkrimi i plotë:

Miq, kushdo që e din se ka familje me kushte të vështira ekonomike e që ju duhen materiale shkollore per fëmijët, ju lutem të më shkruani privat dhe gjatë javës që vjen ua përcjellim materialet shkollore deri në adresën e kontaktin që e dërgoni.
Suksese e urime viti shkollor për të gjithë nxënësit!

The post Shembull i mirë i anëtarit të VV-së, jep falas materiale shkollore për nxënësit që kanë nevojë appeared first on Llapi.info.

Parku i Pishave në qytetin e Podujevës është vendi më i frekuentuar nga qytetarë të moshave të ndryshme, shkruan Llapi.info.

Por, këta qytetarë janë të rrezikuar nga drunjtë sipër këtyre pishave. Kështu ka thënë një llapjan, i cili i ka dërguar pamjet në LLapi.info.

Sipas tij, që nga stuhitë që goditën vendin javë më parë, këta drunj  janë rrëzuar, e disa kanë mbetur të pezull mbi drunj të tjerë. Ai thotë se ka lajmëruar edhe ekipet emergjente në Podujevë, por që siç ka thënë ai, të njëjtit nuk kanë ndërhyrë për të evituar këtë problem.

Kanë qenë të shpeshta rastet që drunjtë janë rrëzuar në këtë park, duke paraqitur edhe rrezik për ata që kalojnë kohë këtu./Llapi.info

Më poshtë pamjet e dërguara:

The post Podujevë: Drunjtë gjysmë të rrëzuar rrezikojnë qytetarët në Parkun e Pishave appeared first on Llapi.info.

Të gjitha shkollat do të hapen të hënën në Kosovë, me përjashtim të një numri të vogël që janë vonuar me përgatitje infrastrukturore. Kështu ka bërë të ditur ministri i Arsimit, Ramë Likaj, në një konferencë të përbashkët me ministrin e Shëndetësisë, drejtorin e IKSHP-së, kryetarin e Sindikatës së Arsimit e përfaqësues të Këshillit të Prindërve.

Likaj ka deklaruar se janë bërë të gjitha përgatitjet për fillimin e vitit shkollor. Ai tha se të shtunën dhe të dielën MASH-i ua ka shpërndarë shkollave gjysmë milioni maska teksa ka thënë se përdorimi i tyre është obligim.

E ministri i Shëndetësisë, Armend Zemaj, ka kërkuar bashkëpunim prindër-nxënës-mësimdhënës e institucione për ta menaxhuar sa më mirë situatën me Covid-19.

Ndërkaq, drejtori i IKSHP-së, Naser Ramadani është zotuar se çdo rast që paraqitet në shkolla do të trajtohet me prioritet nga Instituti.

Në këtë konferencë kanë qenë prezentë edhe kryetari i SBASHK-ut, Rrahman Jasharaj, e nënkryetarja e Këshillit të Prindërve, Hadije Zuqaku, të cilët kanë uruar nxënësit për fillimin e vitit shkollor.

Nxënësit e mësimdhënësit i ka uruar edhe presidenti Hashim Thaçi, i cili përmes një postimi në Facebook ka kërkuar që t’i respektojnë masat dhe të ruajnë shëndetin.

Sipas vendimit që e kanë marrë MASH-i dhe komunat, mësimi do të nisë në dy faza. Më 14 shtator fillojnë mësimin klasat 0 deri në 6 dhe klasa e 10-të. Për klasat 4 dhe 5 u është lënë drejtorive komunale të vendosin se në çfarë forme do ta zhvillojnë mësimin, në shkolla apo nga distanca.

Kurse faza e dytë e mësimit do të nisë më 21 shtator. Në këtë fazë përfshihen klasat 7,8 e 9 të arsimit të mesëm të ulët dhe klasat 11 e 12 të arsimit të mesëm të lartë.

The post Të hënën fillon mësimi në shumicën e shkollave në Kosovë appeared first on Llapi.info.

Në seancën e fundit të mbajtur në Kuvendin e Podujevës është diskutuar propozim-rregullorja për organizimin dhe bashkëpunimin e Komunës me fshatrat, vendbanimet dhe lagjet urbane. Mirëpo, kjo rregullore që do të duhej të miratohej para dy vjetësh, kur i kishte përfunduar të gjitha procedurat, me shumicë votash të LDK-së është vendosur të pezullohet, raporton Llapi.info.

Këtë propozim para asamblesë e ka paraqitur drejtori i Administratës, Gëzim Namani, i cili kishte paraparë që ky dokument të vihej në diskutim publik dhe i kishte propozuar edhe datat e tri takimeve me qytetarë.

Por, këtij propozimi i reagoi drejtori tjetër për Planifikim Urban dhe Mbrojtje të Mjedisit, Hamdi Jaha, i cili tha se tubimi me qytetarë nuk duhet të organizohen, pasi sipas tij, kjo bie ndesh me Ligjin në fuqi.

“Është propozim për debat publik. Ky propozim-rregullore është bërë në bazë të Udhëzimit Administrativ të Ministrisë. Debati publik do të bëhet brenda 1 muaji nga 14 shtator deri më 15 tetor 2020. Ne si drejtori jemi të gatshëm që kurdo që vendosni për datën e debatit ne jemi të hapur”, ka thënë Namani.

Bashkëpartiaku i tij, shefi grupit të këshiltarëvre të LDK-së, Hasan Ajeti, ka pasur vërejtje për që rregullorja parasheh që brenda një këshilli të bashkohen 4-5 fshatra.

“E kam një vërejtje që rregullorja parasheh se duhet brenda një këshilli të bashkohen 4 fshatra. Sa është e mundshme kjo të bëhet në praktikë nuk e di, kur dihet që ka një distancë të madhe ndërmjet fshatrave. Edhe kompensimi i kryetarëve të këshillave lokalë që duhet të bëhet nga buxheti komunal, unë e shoh se mund të kemi probleme”, tha ai.

Për këshilltarin e VV-së, Bajram Ajeti, kjo rregullore është dashur të miratohet qysh në herën e parë.

“Prita që drejtori po kërkon falje për propozim-rregulloren tjetër për të cilën është kryer edhe dëgjimi publik në 2018. Dhe në vitin 2019 është nxjerr edhe një udhëzim administrativ, i cili i obligon komunat të bëjnë plotësim-ndryshimet e nevojshme e rregulloreve për t’i harmonizuar me të, por që nuk është bërë deri tash”, ka thënë Ajeti.

“Unë kam bindjen që ju keni dashtë të vazhdoni me ata kryetarë që janë të emëruar dhe jo të zgjedhur, pra edhe kryetarë katunesh edhe kryetarë nëndegësh. Sidoqoftë, më mirë vonë se kurrë dhe është mirë që më në fund e keni sjellë në Kuvend”, është shprehur Bajram Ajeti.

Kurse, shefi i grupit të këshilltarëve të PDK-së, Fatmir Rudari, e ka cilësuar këtë rregullore si të vonuar.

“Dilemat tona janë te numri i këshillave. A kemi mundësi që t’i rrisim. Në një debat që e organizoi shoqëria civile u tha që 52 këshilla do të ishte ideale”, ka thënë ai.

Ndërsa, bashkëpartiaku i tij, Rafet Llapashtica, ka propozuar që anëtar të atij Komisioni për zgjedhjen e këshillave të jenë edhe nga shoqëria civile.

Drejtori Gëzim Namani, ka thënë se Udhëzimi Administrativ i MAPL-së nuk e lejon që të kenë më shumë se 30 këshilla në Komunën e Podujevës.

“Me gjithë dëshirën që të kemi për secilin fshat. Te pagesa në UA flitet për kompensim vetëm për kryetarët e këshillave për 6 takime të mbajtura brenda vitit kalendarik. Te ndarja gjografike, për qytet është marrë për bazë harta zonale, ndërsa për fshatra kufiri kadastral. Për data të debatit po i propozoj 15, 22 dhe 27 shtator”, është shprehur Namani, pa e ditur që data 27 shtator është e diel. më vonë, kur kjo i është treguar ka thënë se të ndërrohet me datën 28.

Bajram Ajeti ka kërkuar që të mbahen 15 dëgjime publike. Kurse, Rafet Llapashtica, ka thënë se pandemia nuk ua lejon të mbajnë shumë takime, dhe se në qoftë se ndodh atëherë duhet të sigurohen maska mbrojtëse dhe dezinfektant.

Por, drejtori për Planifikim Urban dhe Mbrojtje të Mjedisit, Hamdi Jaha, ka thënë se asnjë debat nuk do ta kishte organizuar, pasi sipas tij, kjo bie ndesh me Ligjin.

Kjo është kundërshtuar nga këshilltarët e VV-së, të cilët kanë thënë se takime të ngjashme është duke i organizuar ekzekutivi edhe në objektin komunal dhe po ashtu edhe trajnime nga organizata të ndryshme.

“Unë po e shoh që po mbani trajnime në komunë, po ndani subvencione e krejt këto po bënë, ndërsa për këtë nuk po bënë”, ka thënë Avni Fetahu.

Ndërsa, shefi i GK të LDK-së, Hasan Ajeti, ka propozuar që takimet me qytetarë të suspendohet për një kohë, edhe pse këshilltarët e VV-së kanë thënë se ka edhe forma tjera që mund të organizohen këto takime.

Pas debatit, me shumicë votash është vendosur që të pezullohet për një kohë mbajtja e këtyre takimeve me qytetarë, rrjedhimisht kjo Rregullore nuk do të miratohet edhe për një afat të pacaktuar.

Mos miratimin e saj e ka quajtur kryekëput politik drejtori i rrjetit të OJQ-ve “Demokracia Fillon Këtu”, Shemsi Jashari. Ky i fundit e ka fajësuar LDK-në, që sipas tij, po bllokon

“LDK nuk duan që të ketë një rregullore e cila i bënë të mundshme  zgjedhjen e këshillave lokale, kjo pasi duan t’i ruajnë të emëruarit politikë të tanishëm, të cilët i kontrollojnë nga zyra dhe që nuk përfaqësojnë askënd”, ka thënë ai./Llapi.info

The post Pushteti në Podujevë akuzohet se po i mban militantët e LDK-së në këshillat e fshatrave, s’miratohet rregullorja për zgjedhjen e tyre appeared first on Llapi.info.

Rrjeti i OJQ-ve, “Demokracia Fillon Këtu”, nëpërmjet një komunikate për medie ka reaguar pas mohimit të së drejtës për të pasur qasje në dokumentet publike, njofton Llapi.info.

Sipas DFK-së, në pozitën për infermier të shpallur nga Komuna e Podujevës, gjegjësisht nga Drejtoria e Shëndetësisë, konkursi ka kaluar me parregullsi të shumta. Ky rrjet i OJQ-ve ka potencuar se sikurse në çdo konkurs, edhe në këtë pozitë janë zgjedhur njerëzit e afërt me pushtetin.

“Sikur edhe konkurset tjera, edhe ky ka kaluar me shumë parregullsi dhe të zgjedhurit për këto pozita janë njerëz të afërt të pushtetit të LDK-së”, thuhet në reagimin e DFK-së.

E këtë konkurs akoma më të dyshimtë e bënë mos lejimi i qasjes në dokumente zyrtare.

“Duke dashur të jemi të saktë në vlerësimet tona ne si DFK, me datën 01 shtator 2020 iu kemi drejtuar me kërkesë me shkrim Komunës së Podujevës, për qasje në Dokumente publike për të na dhënë qasje në dokumentacionin e konkursit në mënyrë që të konfirmojmë raportimet për parregullsi. Edhe pse Ligji për qasje në dokumente publike” Neni 10 “ Kërkesa për qasje në dokumente publike  i obligon zyrtarët komunal të na sigurojnë qasje,  ne ende nuk kemi pranuar përgjigje  zyrtare nga ana e tyre”, thuhet në reagim.

Tutje është thënë se përveç kësaj, Komuna e Podujevës nuk jep detaje as edhe për një çështje tjetër.

Duhet përkujtuar se Llapi.info pati raportuar për konkursin e hapur nga Drejtoria e Shëndetësisë në Komunën e Podujevës më 29 qershor 2020: infermier e shofer për Shërbim të Emergjencës.

Por, i njëjti sot ishte anuluar. Sipas njoftimit të lëshuar nga Komuna, anulimi i tij është bërë për shkak se nuk janë identifikuar së paku tre kandidatë që i kanë plotësuar kushtet e parapara.

“Nuk janë identifikuar së paku 3 kandidatë të cilët i kanë plotësuar kushtet e parapara me konkurs, gjë që e pamundëson vazhdimin e procedurës. Rishpallja e Konkursit do të bëhet brenda afateve ligjore”, thuhet në njoftim.

Pikërisht për këtë pozitë dhe pozita tjera për infermierë po përcillen vazhdimisht me parregullsi të shumta, për çka edhe po kundërshtojnë aplikantët./Llapi.info

The post Podujevë: Parregullsi në konkursin për infermierë, DFK: Zgjidhen vetëm njerëzit e afërt me LDK-në appeared first on Llapi.info.

Partnerët e koalicionit qeverisës sot në orët e pasditës kanë mbajtur një takim në objektin e Qeverisë së Kosovës.

Pjesë e këtij takimi ishte edhe kreu i Aleancës për Ardhmërinë e Kosovës, Ramush Haradinaj, i cili pas përfundimit të takimit nuk është deklaruar për media.

Ndërkaq i pari i Nismës Socialdemokrate, Fatmir Limaj, ka thënë se ky ka qenë një takim i rregullt në mes partnerëve të koalicionit, ku është biseduar për fillimin e vitit shkollor dhe çështje të tjera.

“Takim i zakonshëm ndërmjet partenerve te koalicionit. Kemi diskutuar për për fillimin e vitit të ri shkollor dhe çështje të tjera. Nuk e di nëse Lista Serbe do të del prej koalicionit, nuk e kam këtë informatë”, ka thënë ai.

Në këtë takim kanë qenë të pranishëm lideri i LDK-së, Isa Mustafa, kryeministri Avdullah Hoti, kryetari i AAK-së, Ramush Haradinaj dhe ai i Nismës Socialdemokrate, Fatmir Limaj.

The post Ramush Haradinaj nuk flet pas takimit të liderëve të koalicionit qeverisës appeared first on Llapi.info.

Lista Serbe është duke shqyrtuar seriozisht mundësinë e daljes nga koalicioni qeverisës.

Burimet e IndeksOnline brenda qeverisë kanë thënë se serbët janë të pakënaqur me marrëveshjen e arritur me kryeministrin Avdullah Hoti për të bashkëqeverisur.

Disa kërkesa të cilat kanë shprehur serbët për tu realizuar, janë bllokuar nga ekzekutivi dhe kjo ka shtyrë krerët e Listës Serbe që të shqyrtojnë mundësinë e daljes nga qeveria dhe me këtë hap mund edhe të bie qeveria Hoti.

Anëtarët e kabinetit qeverisës nga Lista Serbe janë të pakënaqur edhe me punën e kryeministrit Hoti dhe qasjen e tij ndaj tyre.

Marrëveshja LDK-Lista Serbe ishte arritur ditën e votimit të qeverisë Hoti.

The post Lista Serbe shqyrton mundësinë e daljes nga qeveria appeared first on Llapi.info.

Shoqata e Gastronomëve të Kosovës i ka bërë thirrje urgjente institucioneve publike të Republikës së Kosovës që të aprovojnë kërkesat e saj, tashmë të njohura për publikun, lidhur me orarin e funksionimin të subjekteve të shërbimeve të Gastronomisë dhe lidhur me zgjatjen e orarit të qarkullimit të personave fizikë jashtë shtëpive/banesave të tyre deri në orën 12:00 në mesnatë.

Në njoftimin e tyre thuhet se ata kanë kërkuar në secilin takim zyrtar dhe jozyrtar që ka realizuar, që me prioritet të lartë të merren kërkesat e saj, mirëpo deri më tani asnjë nga to nuk është trajtuar siç duhet.

Njoftimi i plotë:

Shoqata e Gastronomëve të Kosovës iu bën thirrje urgjente institucioneve publike të Republikës së Kosovës që të aprovojnë kërkesat e saj, tashmë të njohura për publikun, lidhur me orarin e funksionimin të subjekteve të shërbimeve të Gastronomisë dhe lidhur me zgjatjen e orarit të qarkullimit të personave fizikë jashtë shtëpive/banesave të tyre deri në orën 12:00 në mesnatë.

Përveç Peticionit të përpiluar më dt. 01/09/2020 dhe Kërkesës lidhur me shfuqizimin e pikave 2 dhe 18 të Vendimit nr. 01/17 të parashtruar më dt. 09/09/2020 e të protokoluara nga Zyra e Kryeministrit, gjegjësisht Ministria e Shëndetësisë në kuadër të Qeverisë së Kosovës.

SHGK ka kërkuar në secilin takim zyrtar dhe jozyrtar që ka realizuar, që me prioritet të lartë të merren kërkesat e saj, mirëpo deri më tani asnjë nga to nuk është trajtuar siç duhet.

Andaj, lidhur me shqetësimet që ka sektori i gastronomisë sa i përket gjendjes aktuale në të gjithë vendin, SHGK gjithmonë do ti dëgjojë ato dhe do ti dalë në mbrojtje, sa herë që e kërkon nevoja apo urgjenca në rastin konkret.

Në kuptim të aktiviteteve të ardhshme për të cilat do të vendoset që të aplikohen, bëhet e ditur nesër pas Mbledhjes së Jashtëzakonshme të thirrur nga Kryetari i Shoqatës së Gastronomëve të Kosovës Petrit Kllokoqi, në Kuvendin e Anëtarëve të Shoqatës, duke ju siguruar se ato gjithmonë do të jenë demokratike dhe në frekuencë të njëjtë me veprimet apo mosveprimet e pushtetit.

The post Gastronomët kërkojnë që orari i lëvizjes të zgjatet deri në mesnatë appeared first on Llapi.info.

Kryetarja e Kuvendit të Kosovës, Vjosa Osmani, e pyetur për mocionin e rrëzimin të Qeverisë Hoti, të iniciuar nga Vetëvendosje, ka thënë se ende nuk e ka diskutuar me Vetëvendosjen, dhe as s’e kanë parë tekstin e mocionit. Ajo ka thënë se pas diskutimit do të ketë edhe një përgjigje konkrete, raporton Ekonomia Online.

Osmani në një konferencë për media, ka thënë se i vetmi partner për të bashkëpunuar pas formimit të subjektit të saj politikë, do të jetë Vetëvendosje.

“Sa i përket çështjes së mocionit, unë nuk e kam diskutuar këtë çështje me Vetëvendosjen dhe nuk e kam parë tekstin, sapo të ulem e shqyrtoj mund të kem një përgjigje konkrete”, ka thënë ajo.

Osmani ka mohuar akuzat se ajo po lobon në Kuvend, kundër projektligjeve të Qeverisë. Sipas saj është e kundërta, pasi të gjitha propozimet e sajë janë refuzuar nga Qeveria.

“Qeveri ka lobuar kundër çdo iniciativë që unë kam sjellë në Kuvend. Prej të gjitha amendamenteteve të buxhetit, vetë dy të propozuara nga unë janë larguar. Ata e kanë vonuar e stërzgjatur ligjin për pandeminë”, ka thënë ajo.

The post Osmani: Vetëvendosje partneri i vetëm për bashkëpunim appeared first on Llapi.info.

Ministri i Shëndetësisë Armend Zemaj, ka bërë të ditur se Grupi punes po vazhdon punën për hartimin e Ligjit për sigurimet shëndetësore.

Zemaj tha se së bashku me anëtarët e Bordit Drejtues të Fondit të Sigurimeve Shëndetësore, kanë diskutuar për plotësimin e parakushteve, pa vonesa, në mënyrë që Fondi i Sigurimeve Shëndetësore të jetë në funksion të plotë.

Njoftimi i plotë:

Së bashku me anëtarët e Bordit Drejtues të Fondit të Sigurimeve Shëndetësore, diskutuam për plotësimin e parakushteve, pa vonesa, në mënyrë që Fondi i Sigurimeve Shëndetësore të jetë në funksion të plotë.
Aktualisht, Grupi punues po vazhdon punën për hartimin e Ligjit për sigurimet shëndetësore. Pres dinamikë të shtuar për draftimin e ligjit.
Jam i vendosur që sa më parë të krijohet mundësia për qytetarët të jenë të siguruar dhe përmes kësaj t’u ofrohen shërbimet e sigurimit shëndetësor.

The post Zemaj: Po vazhdon puna në hartimin e Ligjit për sigurimet shëndetësore appeared first on Llapi.info.

Fillimi i vitit të ri shkollor në kohë pandemie i pret nxënësit mes paqartësive për mënyrën e transportit nëpër shkolla.

Me afrimin e datës së hapjes së shkollave linjat urbane vazhdojnë të punojnë me kapacitet të limituar prej 20 personash për një drejtim.

Për nxënësit që banojnë nëpër fshatrat e kryeqytetit apo në periferi zyrtarë nga Drejtoria e Arsimit në Komunë thonë se për nxënësit filloristë është i siguruar transporti nga Komuna përmes linjave të veçanta.

Megjithatë, ata që nuk do të përfitojnë nga sigurimi i shërbimit me këto linja janë nxënësit e shkollave të mesme.

Nga Komuna thonë se për këtë të fundit përpos problemeve të tjera nuk kanë as buxhet që t’i transportojnë.

E ndonëse numri i lejuar i udhëtarëve është rritur për 5 persona më shumë, sipas kryeshefit të “Trafikut Urban”, ata do të vazhdojnë të punojnë me gjysmën e kapaciteteve.

Derisa nga MASH-i kanë thënë se kjo çështje nuk është në kompetencat e tyre, porse të drejtorive të arsimit dhe Ministrisë së Shëndetësisë.

Këta të fundit nuk kanë kthyer përgjigje nëse parashihet plan i lirimit të masave apo jo.

The post MASH-i s’ofron zgjidhje për shumë nxënës që duhet të udhëtojnë appeared first on Llapi.info.

Në 600 ka shkuar numri i të vdekurve nga COVID-19 në Kosovë, derisa në 24 orët e fundit kanë vdekur 4 persona.

Sipas të dhënave të IKSHPK-së, nga 574 të testuar të dilën, 55 kanë rezultuar të jenë raste pozitive.

Brenda 24 orëve janë shëruar edhe 150 persona të tjerë dhe në total numri i të shëruarve ka arritur në 11 mijë e 585 raste, kurse numri i rasteve aktive është 2 mijë e 507.

Ministri i Shëndetësisë, Armend Zemaj, ka thënë se numri i rasteve të infektimit ka rënë për shkak të punës dhe bashkëveprimit të institucioneve përkatëse, siç janë personeli shëndetësor, inspektoratet e Policia e Kosovës. Ai ka paralajmëruar rritje të kapaciteteve të testimit.

Derisa zyrtarë të tjerë, me gjithë rënien e numrit, kanë bërë thirrje për respektim të masave kundër përhapjes së koronavirusit.

Ministri Zemaj ka uruar edhe fillimin e vitit të ri shkollor dhe ka kërkuar nga nxënësit dhe mësimdhënësit zbatim të rekomandimeve të IKSHPK-së.

The post 600 të vdekur me COVID-19 në Kosovë appeared first on Llapi.info.

Albin Kurti është kthyer në retrospektivë derisa ka komentuar raportet e Kosovës dhe Serbisë ndër vite.

Ish-kryeministri kosovar dhe lideri i partisë më të madhe në vend ka thënë se Kosova vetëm po shtyhet prapa ndërsa ka vlerësuar se decentralizimi, “Zajednica” dhe “shkëmbimi territorial” janë emra të ndryshëm me një qëllim të përbashkët.

“Kur duket që një situatë nuk po ndryshon për një kohë të gjatë, ka mundësi që bëhet fjalë për një kthim prapa që tashmë ka ndodhur. Teksa lexoja librin “Standardet dhe Statusi” të ish PSSP-së, Joachim Ruecker, më përkujtohet se dikur decentralizimi etnik, ndërkaq sot ‘Zajednica’ dhe ‘shkëmbimi territorial’, janë emra të ndryshëm të përpjekjes së njëjtë të Beogradit për ndarjen e Kosovës. Ja një paragraf nga faqja 61 e këtij libri”, ka shkruar Kurti në Facebook.

Ai ka cituar edhe librin e ish-shefit të UNMIK-ut, Joachim Ruecker.

“Në lidhje me çështjen e decentralizimit, e cila ishte shumë e diskutueshme, plani kërkoi të pajtojë kërkesat e kundërta. Fillimisht, Koshtunica kërkoi ndarjen e plotë të Kosovës, e cila parashikonte copëtimin e saj territorial përgjatë vijave etnike. Kjo kërkesë u rrëzua gjatë negociatave dhe në vend të kësaj Beogradi propozoi krijimin e 12 komunave me shumicë serbe në Kosovë, pjesërisht të lidhura gjeografikisht, me një nivel të lartë të autonomisë, lidhje të forta ndër-komunale dhe lidhje të drejtpërdrejta institucionale me Beogradin”, ka shkruar Kurti.

“Projektet e Serbisë janë të vjetra. Me koncesione të reja, Kosova po shtyhet prapa”, thuhet në fund të postimit të Albin Kurtit.

The post Kurti: Decentralizimi etnik, ‘Zajednica’ e ‘shkëmbimi territorial’, emra të ndryshëm të përpjekjes së njëjtë të Beogradit appeared first on Llapi.info.

E donte shumë profesionin e mësueses. Prandaj mezi priste shtatorin për t’i takuar sërish nxënësit e saj.

Por koronavirusi i mori jetën, Hajrie Rrecajt, mësuese e shkollës fillore, Faik Konica.

Nxënësit që ajo i mësoi deri në klasën e pestë, të hënën iu kthyen sërish shkollës.

Por ata tashmë po i shoqëron një kujdestar tjetër.

Mësuesja e tyre që aq shumë e donin, në korrik të këtij viti, humbi betejën me Covid – 19.

Por, duket që kujtimet e mësimet e mësueses Hajrie, siç e njihnin të gjithë, do të jetojnë gjatë tek nxënësit e saj.

Por, kujtime të mira nga mësuesja Hajrie, nuk kanë vetëm nxënësit e saj.

Ndërkohë, nxënësit që për pesë vjet i mësoi mësuesja Hajrie, tani do t’i kujdestarojë, Ismet Ferati.

Ky tregon se si ishte gjendja emocionale e tyre, kur për herë të parë u përballën me një tjetër mësimdhënës, e jo mësuesen më të cilën ishin mësuar.

Ferati, thotë që edhe për vet kolegët, lajmi për humbjen e nje kolege si Hajrie Rrecaj, ishte tronditës.

Ndërkohë, për herë të parë pas 22 vjetësh, mësuesja Shpresa Maxhuni Gecaj, rrugën nga shtëpia për në shkollë, po e bën e vetme.

Gecaj, e emocionuar, tregon për momentin kur e kuptoi që mësuesja Hajrie, u nda nga kjo botë.

Ndërkohë, ndonëse e takoi vetëm disa herë, fjalë të mëdha për mësuesen Hajrie, ka edhe drejtoresha e re e kësaj shkolle, Jehona Uruqi.
Hajrie Rrecaj ishte mësuesja e parë nga fshati Zabel i Ulët i Komunës së Drenasit.

Punën si mësimdhënëse për herë të parë e kishte filluar në fshatin Arllat në vitin 1977.

Ndërsa gjatë luftës, ishte e angazhuar vullnetarisht si mësuese, në kampin e refugjatëve kosovarë ne Stankovec.

The post E vështirë dita e parë në shkollë për nxënësit që humbën mësuesen nga Covid-19 appeared first on Llapi.info.

Raportohet se Mario Manxhukiq së shpejti do të veshë fanellën e gjigantit turk, Fernerbahçe.

Sulmuesi kroat nuk e ka ndërmend të rikthehet në Serie A përkundër që është lidhur me një transferim te Milani dhe Fiorentina, transmeton KOHA.

Por, sipas gazetës turke Fanatik ylli kroat tashmë ka arritur marrëveshje me Fenerbahçen, ku do ta zëvendësojë sulmuesin shqiptar Vedat Muriqi i cili është bashkuar me Lazion.

Manxhukiq ishte larguar nga Juventusi në afatin kalimtar të janarit si lojtar i lirë.

The post Manxhukiqi zëvendësues i Muriqit te Fenerbahce appeared first on Llapi.info.

Manchester Unitedi dhe Liverpooli janë dy skuadrat që kanë shprehur interesim për sulmuesin Kylian Mbappe.

Madje sipas mediave franceze, të dyja klubet janë të gatshme të paguajnë 111 milionë euro për t’i siguruar shërbimet e francezit. Ylli francez nuk ka pranuar vazhdimin e kontratës me Paris Saint-Germain dhe pritet të largohet në vitin 2021.

Favorit për të nënshkruar me 21-vjeçarin është ekipi nga La Liga, Real Madridi. Mbappe thuhet se e dëshiron kalimin në Madrid për t’u bashkuar me bashkëkombësin e tij, Zinedine Zidanen, që është trajner te “Mbretërit”.

The post Unitedi e Liverpooli në garë për Mbappen appeared first on Llapi.info.