Maqedoninë prej nesër e pret ndoshta edhe një javë me dilema rreth arritjes ose jo të marrëveshjes politike e cila tanimë po ndodhet në udhëkryq
Edhe pse gjithë procesi i negociatave për punët e rëndësishme në Përzhino duhej të ishin përfunduar, partitë politike ende nuk kanë arritur marrëveshje, njofton Meta.
Ajo që deri tani është dakorduar është zgjedhja e Prokurorit special Katica Janeva dhe buxheti i saj për punë deri në fund të këtij viti.
Afat të ri zyrtar për partitë të arrijnë marrëveshje nuk ka, por jozyrtarisht LSDM dhe VMRO-DPMNE kanë kohë të harmonizojnë qëndrimet deri më 5 nëntor, ditën kur jozyrtarisht duhet të përmbyllet Raporti për përparimin e shteteve-kandidate për anëtarësim në BE.