Së shpejti del në treg telefoni që mban 90 ditë bateri me çmim të arsyeshëm. Janus One nëse nuk përdoret shumë për tre muaj nuk ka nevojë që të karikohet.
Prodhuesit shpjegojnë se bateria e këtij telefoni është me kapacitet 1500mAh, si dhe ka funksione të tjera të dobishme pasi mund të përdoret edhe si ushqyes për pajisjet e tjera. Është një pajisje relativisht e vogël me madhësinë e një karte krediti dhe është vetëm 5.5 mm e hollë.
Ai mund të përdoret për të bërë telefonata ose për të dërguar mesazhe tekst. Janus One mund të blihet në Kickstarter për 69 dollarë dhe pritet të dalë në treg në shtator 2015.
