Ministri i Punëve të Jashtme, Enver Hoxhaj ka pritur sot në zyrën e tij, Hilmi Kelmendin dhe vëllaun e tij, një ditë pasi Kelmendi u lirua nga paraburgimi në Serbi.
“Jam i nderuar që sot pata për vizitë nga Gjakova, Hilmi Kelmendin, i cili mbrëmë u kthye në Kosovë pas lirimit nga paraburgimi në Serbi dhe vëllain e tij, Hysniun”
” Lirimi i tij është një lajm i mirë, jo vetëm për familjen e tij por edhe për Kosovën dhe është dëshmi e përkushtimit të shtetit për t’i mbrojtur qytetarët e saj ndaj akuzave të pabaza dhe të papranueshme. Familja Kelmendi është një familje që ka dhënë shumë për lirinë dhe pavarësinë e vendit tonë”, ka shkruar Hoxhaj në llogarinë e tij në Facebook.