Majko për ministrin e qeverisë: Pash zotin, kishim 2 muaj që nuk flisnim

Deputeti i PS-së, Pandeli Majko ishte ditën e djeshme i ftuar në emisionin “Kapital” në “Vizion Plus”.
Ai u pyet për një sërë çështjes dhe habiti kur deklaroi se Basha ishte një lider i mirë partie, pasi krijon mundësinë për dialog. Mirëpo, gazetari e ka pyetur Majkon për koncesionet në fushën e shëndetësisë, të cilat ai i ka kritikuar më herët.
“Rri aman pash zotin se kisha nja dy muaj që nuk flisja me Beqajn dhe tani kemi filluar të flasim përsëri”, kjo ka qenë përgjigjja e Majkos para gazetarit. I pyetur nëse do të ishte kandidat konsensual për President, Majko tha se është e pamundur që të gjitha palët të bien dakord për emrin e tij.