Presidentja e vendit, Atifete Jahjaga ka pritur sot në takim lamtumirës shefin e UNMIK-ut, Farid Zarif.
Siç bëhet e ditur nga një komunikatë e Presidencës, e para e shtetit e vlerësoi i punën e përfaqësuesit special të sekretarit të përgjithshëm të Kombeve të Bashkuara në Kosovë, dhe angazhimin e tij gjatë mandatit në Kosovë dhe e përgëzoi për detyrën e re.
Duke folur për të arriturat e Kosovës, Jahjaga tha se vendi po konsolidohet ndërkombëtarisht dhe theksoi rëndësinë e përkrahjes për anëtarësim në organizatat ndërkombëtare, në veçanti në OKB.
Ndërkaq, Zarif çmoi lart lidershipin e saj dhe rolin që ka luajtur si faktor uniteti në vend.
Ai i vlerësoi të arriturat e Kosovës dhe shprehu mirënjohje për punën e institucioneve dhe për popullin e Kosovës. /Telegrafi