Ambasadori britanik në Kosovë, Ruairi O’Connell në një status në Facebook ka shtruar një pyetje se cila është Kosova e vërtetë. Ajo me sukseset e Majlinda Kelmendit dhe këngëtares Dua Lipës, apo nepotizmi, gazi lotsjellës dhe dhuna.
Majlinda Kelmendi të dielën fitoi medaljen e artë në Lojërat Olimpike “Rio 2016” derisa këngëtarja Dua Lipa sot do të mbajë koncertin e saj të parë në Prishtinë.
Sot në mbledhjen e komisionit parlamentar për politikë të jashtme, deputeti i Lëvizjes Vetëvendosje, Driton Çaushi hodhi gaz lotsjellës, duke bllokuar punën e komisionit që po diskutonte për demarkacionin me Malin e Zi.
O’Connell në statusin e tij në Facebook ka pyetur: “Cila është Kosova e vërtetë?
Sukseset e Majlindës e të Duas? Apo nepotizmi, gazi lotsjellës dhe dhuna?
Unë e di cilën e preferoj”.