Kapiteni Granit Xhaka dhe Xherdan Shaqiri do të startojnë te Zvicra për ndeshjen kundër Serbisë, që zhvillohet në kuadër të Grupit G. Kjo ndeshje nis në orën 20:00 dhe zhvillohet në “Stadium 974”.
Shaqiri është kthyer në formacion pas mungesës ndaj Brazilit për shkak të një shqetësimi në muskulin e kofshës.
Xhaka do të luajë përkrah Remo Freulerit para mbrojtjes, e cila përbëhet nga Ricardo Rodriguez, Fabian Schar, Manuel Akanji e Silban Widmer.
Në portë do të jetë portieri i dytë, Gregor Kobel, i cili ka zëvendësuar Yann Sommerin me grip.
Shaqiri do të luajë në krahun e djathtë dhe së bashku me Djibril Sowin e Ruben Vargasin, do ta përkrahin Breel Embolon që do të luajë si sulmues i vetëm.
Zvicra i ka tri pikë, dy më shumë se Serbia dhe me fitore do të avanconte në 1/8 e finales të Kupës së Botës.
The post Formacioni zyrtar i Zvicrës ndaj Serbisë appeared first on Llapi.info.