Janë djegur 400 duej ushqim bagëtish në fshatin Kunushec të Podujevës pas një zjarri që ka shpërthyer në një pleme, njofton Llapi.info. Lajmin për Llapi.info e ka bërë të ditur Shefi i Shërbimit të Zjarrëfikësve në Podujevë, Milaim Ajvazi.
Ajvazi ka bërë të ditur se përveç dëmeve materiale, të lënduar në njerëz nuk ka. Ndërsa, shkaqet e zjarrit ende nuk dihen.
“Organet përkatëse janë duke ekzaminuar rastin për shkaktarin e mundshëm të këtij zjarri”, ka thënë Ajvazi për Llapi.info.
400 duejt e djegur janë pronë e Xh. Berishës./Llapi.info
