Vazhdon të mbetet e fshehtë për opinionin sasia e emrave që do të jenë subjekt verifikimi nga ekipet e zyrave rajonale të Komisionit Shtetëror Zgjedhor.
KShZ-ja pritet të shpalos sot në një seancë të hapur detajet për punën e ekipeve të këtij institucioni në terren dhe përveç që të përcaktohen, këto ekipe duhet edhe të trajnohen. Nuk është e qartë se sa kohë do të marrë trajnimi i tyre por ajo që dihet është se ky institucion duhet të prezantojë një listë të azhurnuar të zgjedhësve, deri në datën 17 prill, njofton Alsat-M.
Sipas ligjit, lista e azhurnuar duhet që të publikohet për inspektim publik 15 ditë pasi të nënshkruhet data e zgjedhjeve. Qytetarët edhe më tej mund të paraqesin njoftimet dhe ankesat e tyre për parregullësi në listën e zgjedhësve dhe këtë mund ta bëjnë në njësitë rajonale përkatëse.