Gianni de Biasi ka zbuluar se është duke e vëzhguar me kujdes yllin e Vitesse, Milot Rashicën.
Është një ndër lojtarët e momentit, pavarësisht se prej dy javësh mungon me Vitesse për shkak të një dëmtimi. Milot Rashica është duke tërhequr vëmendjen e shumë mediave botërore dhe tashmë edhe të disa skuadrave europiane.
Ndër to, Napoli u përfol prej dy ditësh në mediat italiane se është duke e monitoruar me kujdes situatën e vushtrriasit. Në lidhje me këtë, disa portale pranë Napolit kanë intervistuar trajnerin e Kombëtares shqiptare, Gianni De Biasi, për të marrë prej tij një vlerësim për sulmuesin 19-vjeçar.
“Nga ana sportive, është një sozi e Jose Callejon. I bën shumë mirë të dyja fazat e lojës dhe është i fortë fizikisht. Për Napolin e Sarrit do të ishte zgjedhje perfektë”, është shprehur fillimisht De Biazi.
Një krahasim interesant për talentin shqiptar, i cili ka deklaruar disa herë së ëndërron të jetë mes të ftuarve të trajnerit për Europianin “Francë 2016”.
“Rashicën po e ndjekim ashtu si edhe lojtarët e tjerë të talentuar. Pas një muaji do të kemi një test kundër Austrisë dhe pas kësaj miqësoreje mund të nxjerrim disa konkluzione”, ka vijuar De Biazi siç raporton “Napolionline”.
Trajneri i kuqezinjve nuk ka dashur të japë një përgjigje përfundimtare nëse do të ketë një ftesë për Rashicën në miqë- oren e muajit mars apo jo.
“Duhet akoma shumë kohë përpara Europianit dhe nuk dihet se çfarë mund të ndodhë. Nëse i referohemi Francës, nuk e penalizonaspak fakti që nuk ka luajtur asnjëherë me Kombëtaren e madhe. Megjithatë, në të njëjtin moment është edhe Kombëtarja U-21 me impenjimet e saj dhe është shumë e rëndë- sishme që lojtarët të bëjnë sa më mirë të jetë e mundur me të”, ka deklaruar De Biazi