Administrtat tatimore haset me vështirësi në gjurmimin e mallit
Ankesat e shumta e shitësve me pakicë se nuk pajisen me kupona tatimore nga pikat e shumicës, duket se janë dëgjuar edhe nga Ministria e Financave.
Zv. Ministrja Irena Beqiraj tha se ka pasur edhe raste të kuponave të falsifikuar, por që nuk janë regjistruar në kasa fiskale. Për këtë ajo bëri publike edhe platformën e re teknologjike, që do të mundësojë në kohë reale transmetimin e të dhënave.
“Ministria e Financave dëshiron që të ketë një platformë të re teknologjike që mundëson transmetimin në kohë reale jo vetëm të kuponit tatimor, por transaksioneve me shumicë, biznes me biznes. Marrja e këtyre të dhënave në kohë reale, në të njëjtën kohë instalimi i faturës elektronike, që është një kërkesë bashkëkohore por është një kërkesë edhe e biznesit, pasi ul dhe kostot.
Gjurmimi i mallit dhe mundësia e llotarisë në kohë reale do të jenë elementë bazë të kësaj platforme dhe që do të ndihmojnë administratën tatimore “, tha Beqiraj.