Policia e Kosovës ka njoftuar se sot rreth orës 14:00 ka marrë një informatë për një grabitje të armatosur në një institucion mikrofinanciar që gjendet në rrugën “Enver Maloku ” në Prishtinë.
Menjëherë pas marrjes së këtij informacioni strukturat rajonale për hetimin e krimit me një intensitet të shtuar kanë filluar ndërmarrjen e një varg veprimesh operative dhe hetimore.
Mbështetur në rezultatet e para të grupit hetimor që po zhvillon hetimet lidhur me rastin në fjalë, dyshohet se kjo grabitje është realizuar nën kërcënimin e armës, ku një person i maskuar, ka grabitur një sasi të parave dhe është larguar nga vendi i ngjarjes.
Në njoftimin thuhet se aktualisht Policia po punon me përkushtim për të identifikuar personin e dyshuar dhe vendndodhjen e tij.
The post Grabitje e armatosur në Prishtinë appeared first on Llapi.info.