Banorët e një lagjeje të fshatit Letanc të Podujevës janë në hall nga ujërat e zeza, Ata detyrohen t’i shkarkojnë në oborre të tyre.
Më shumë se 20 shtëpi të kësaj pjese, thonë se ndihen të rrezikuar edhe nga epidemitë, pasi ujërat e zeza depërtojnë edhe në puset e tyre. Thonë të kenë kërkuar shumë herë nga Komuna e Podujevës për t’ua ndërtuar rrjetin e kanalizimit, por sipas tyre deri tashti askush nuk është interesuar, shkruan sot “Koha Ditore”.
Disa prej tyre thonë të mos kenë kushte për ta ndërtuar vetë rrjetin e kanalizimit, pasi janë raste sociale.
Nga ana tjetër, zyrtarët komunal premtojnë se kanalizimin në këtë pjesë të fshatit Letanc do ta ndërtojnë në gjysmën e parë të vitit të ardhshëm…shkruan Koha Ditore.